MAILOCEAN / БОРЛУУЛАГЧИЙН ГАРЫН АВЛАГА
Өөрийн брэндээр үйлчлэх
Харилцагчийн вэбмэйлд лого, өөрийн домэйн болон DNS нэр ашиглах.
1. Branding хэсгээ нээх
Идэвхтэй reseller гэрээтэй байгууллагын эзэмшигч ClientArea → Branding хэсэгт орж брэндийн нэр, лого, өөрийн эзэмшдэг домэйноо хадгална.
- Жишээ нь example.com гэж оруулбал вэбмэйл хаяг webmail.example.com байна.
- PNG, JPEG эсвэл WebP зураг оруулна. Логог хүссэн үедээ шинэчилж эсвэл MailOcean логог сэргээж болно.
Анхдагч вэбмэйл хаяг нь webmail.mail-ocean.com. Өөрийн домэйн идэвхжих хүртэл MailOcean-ийн хаяг, DNS тохиргоог ашиглана.
2. Брэндийн домэйнээ баталгаажуулах
Branding хэсэгт гарсан эзэмшлийн TXT, вэбмэйлийн CNAME, MX серверийн A болон SPF-ийн TXT бичлэгийг өөрийн брэндийн домэйнд нэмнэ.
- Бичлэгүүд түгсний дараа ClientArea-ийн Тусламж хэсгээр идэвхжүүлэх хүсэлтээ илгээнэ.
- MailOcean баг DNS-ийг шалгаж, вэбмэйл хост, HTTPS, мэйлийн нэвтрэлтийг тохируулна.
Домэйныг солих бол одоо ашиглаж буй вэбмэйл болон MX хаягаа шилжүүлэлт дуусах хүртэл ажиллуулна.
3. Харилцагчийн DNS-ийг тохируулах
Идэвхжсэний дараа WHMCS-ээр хуваарилсан харилцагчийн домэйн дээр өөрийн брэндийн MX, SPF-ийн утга гарна. DKIM, DMARC болон эзэмшлийн TXT нь тухайн харилцагчийн домэйнд хамаарна.
- Харилцагчийн домэйны дэлгэрэнгүй хэсгээс утгыг хуулж DNS-д оруулна. SPF бичлэг өмнө нь байвал одоогийн бичлэгтэй нэгтгэнэ.
- Вэбмэйлээр нэвтэрч, мэйл илгээж хүлээн авахыг шалгана. IMAP, SMTP аппын хувьд зааварт буй MailOcean серверийн нэрийг ашиглана.
Branding хэсэг DNS бичлэгийн утгыг харуулна. Өөрчлөлтийг домэйныхоо DNS үйлчилгээ дээр оруулна.